ಅನಿಶಾ…
ನಾನು ನಡೆದಷ್ಟೇ ನನ್ನ ದಾರಿ
ಹಾಕಿದ ಹೆಜ್ಜೆಗೆ ದೂರ ಅಂಜಿಕೆಯೇ
ಗುರಿ ಇಲ್ಲದ ಪಯಣಕೆ ದಿಕ್ಕಿಲ್ಲ
ದಿಕ್ಕು ನೋಡಿ ಹರಿದೀತೇ ಬೆಳಕು
ಈ ದಿಕ್ಕಿಗೆ ಹೆಸರಿಟ್ಟವನು ನಾನಲ್ಲವೇ
ಒಂದು ಹೆಜ್ಜೆ ಹಿಂದಾಗದೆ ಮುಂದಾಗಲಾರೆ
ರೆಕ್ಕೆ ಇಲ್ಲದ ಹಕ್ಕಿ ಹಾರುವ ಕ್ಷಣ ಬಲ್ಲೆಯಾ
ಬಂದಂತೆ ಹೋಗುವ ಈ ತ್ರಾಣ ಅದೇನು ಹಕ್ಕಿಯೇ ಹಾರಲು
ಈ ಆಸೆ ಸಾಯದೆ ಆ ಆಸೆ ಹುಟ್ಟದು
ಕುರುಹಾದ ದೇವರಿಗೆ ಹಿರಿದಾ ಬಯಲು
ಯಾವ ದಾರಿಯೂ ಕದಳಿಗೆ ಕರೆದೊಯ್ಯದು ನನ್ನ
ಅದು ಅನಿಶಾ
ನನ್ನ ತನು ಕದಳಿಯಲ್ಲ ಮನ ಕದಳಿಯಲ್ಲ
ಈ ಭಾವ ಭ್ರಮೆಗೆ ಅಂಜಿಕೆಯೇ
ಭಾವ ನಿಷ್ಠೆ ಇಲ್ಲದವರು ಧ್ಯಾನದಲಿ ಗೆಲರು.
Related Posts
ನೀರು… ಬರಿ ನೀರೇ?
ಕತ್ತಲೆಂಬುದು ಕಣ್ಣ ಮುಂದೋ ಕಣ್ಣ ಹಿಂದೋ… ಜ್ಞಾನ ಎಂಬುದು ಅರಿವಲ್ಲ ಅರಿದರೆ ಅಜ್ಞಾನ… ಕತ್ತಲ ಒಳಗಣ ಬೆಳಕ ಕೊಯ್ಯುವ ಜಾಣ ಬಲ್ಲ ಜ್ಞಾನದ ಬೆಳಸ ಜ್ಞಾನವೇನು...
ಎರವಲು ಮನೆ…
ಬೆಂಕಿ ಬಿದ್ದಿತ್ತು ಥಳುಕಿನ ಮಹಲಿಗೆ ಉರಿದುರಿದು ಬೂದಿಯಾಗಿತ್ತು ಪೇರಿಸಿ ಇಟ್ಟ ಸಿರಿ-ಸಂಪತ್ತು ಆರಿಸ ಹೋದರೆ ಕೈ ಸುಟ್ಟಿತ್ತು ಹಲುಬಿಹೆನೆಂದರೆ ದನಿ ಅಡಗಿತ್ತು ಕೂಗಲು ಹೋದರೆ...
Comments 5
Thippeswamy D
Sep 8, 2026ನಿಮ್ಮ ಕವನ ಮನಸನ್ನು ಆಳವಾಗಿ ತಟ್ಟುತ್ತದೆ ಹಾಗೂ ಬರವಣಿಗೆಯು ಸಹ ತುಂಬಾ ಮಾಗಿದೆ
ಜಯಾ ಎಂ ಮರಡಿ
Sep 8, 2026ಕವನ ಒಗಟೊಗಟಿನಂತಿದೆ. ಅನಿಶಾ ಬಹಳ ಆಕರ್ಷಕ ಹೆಸರು. ಕನ್ನಡ ಶಬ್ದವೇ?
ಜಿ.ಎಚ್.ಜ್ಯೋತಿಲಿಂಗಪ್ಪ ಶಿವನಕೆರೆ
Sep 13, 2026ವಚನಕಾರರು ಬಳಸಿದ ಅಚ್ಚ ಕನ್ನಡ.. ಪದ
ಅರ್ಥ… ಅಚಲ,ನಿರಂತರ, ಯಾವಾಗಲೂ, ರಾತ್ರಿ ಇಲ್ಲದುದು,ಬಯಲು
Somanatha
Sep 11, 2026Anisha is a deep philosophical poem.
ಭಾರತಿ ಚಿಲಕವಾಡಿ
Sep 30, 2026ಸರ್, ಅನಿಶಾ ಪದಕ್ಕೆ ನೀವು ಕೊಟ್ಟ ಅರ್ಥಗಳನ್ನಿಟ್ಟು ಓದಿದರೆ, ಕವನಕ್ಕೆ ಮತ್ತಷ್ಟು ಹೊಳಪು ಮೂಡಿತು.