ಗ್ರಹಣ
ಗ್ರಹಣ ಹಿಡಿದದ್ದು ಯಾರಿಗೆ?
ರವಿಗೋ, ಶಶಿಗೋ, ಮೂರ್ಖನಿಗೋ?
ವಿಶಾಲಾಗಸದಿ ಸುತ್ತುವರು ಭೂರವಿಚಂದ್ರತಾರೆ
ಸೃಷ್ಟಿಯಲಿ ಸನಿಹವಿಲ್ಲ, ಸಂಬಂಧವುಂಟು!
ಸ್ಪರ್ಷ ಮೊದಲಿಲ್ಲ ನುಂಗುವುದೆಲ್ಲಿ, ಬಿಡುವುದೆಲ್ಲಿ?
ಇಷ್ಟದಿಂ ತಾವ್ ಸುತ್ತುವುದ ಬಿಡಲಿಲ್ಲನವರತ!
ಸರಳ ರೇಖೆಯ ಸರಳ ಜ್ಞಾನವ
ಸರಳವಾಗಿ ಅರಿಯಲಿಲ್ಲ ಮಾನವ
ಮರುಳುಗೊಂಡು ಮರುಳಾಗಿ ಸೆರೆಯಾದನಲ್ಲ
ಸೂರ್ಯಚಂದ್ರರ ರಾಹು ನುಂಗಿತೆಂದ ಭ್ರಮೆಯಲಿ!
ವಿಜ್ಞಾನವ ಹಿಂಗಿ ಬೆಳೆದ ಅಜ್ಞಾನ
ಸುಜ್ಞಾನವ ಬಿತ್ತಿ ಬೆಳೆಯಲಿಲ್ಲ ಮನದಿ
ಅಜ್ಞಾನದಿ ಮುಚ್ಚಿ ಮನದ ಕಿಟಕಿ ಬಾಗಿಲು
ಪ್ರಜ್ಞಾಹೀನ ಹುಸಿಯಾಚಾರ ವಿಚಾರ ಸುಳಿಯಿತಲ್ಲ!
ಕತ್ತಲು ಕವಿದು ಚಿತ್ತ ಚಂಚಲಿಸಿ
ಮತ್ತೆ ತೊಳೆದ ದೇಗುಲ, ಮೂರ್ತಿ
ಅತ್ತ ತೊಳೆಯಲಿಲ್ಲ ಮನದ ಮಲಿನ
ನಿತ್ಯಸತ್ಯದ ಸೊಬಗನರಿಯಲಿಲ್ಲ ಮಾನವ!
-ಹವೀಪ
Related Posts
ಬಯಲಾದ ದೇವರು
ಈ ದೇವರು ಒಂದು ಕನಸು ನಿಜವೂ ಅಹುದು ಸುಳ್ಳೂ ಅಹುದು ಕಲ್ಪನೆಯ ಹಾಗೆ ಕಾಣುವುದು ಕಾಣದು ನಂಬಿದರೆ ಕೇಡಿಲ್ಲ ನಂಬದಿರಲೂ ಕೇಡಿಲ್ಲ ಕೇಡೆಲ್ಲವೂ ನನ್ನವು ಈ ಸುಳ್ಳಿಗೊಂದು ಕಾಣಿಸಲಾರೆ...
ಯಾಕೀ ಗೊಡವೆ?
ಸಾಯುವುದು ಒಂದು ದಿನ ಇದ್ದೇ ಇದೆ ಬಿಡು ದಿನಾ ಏಕೆ ಸಾಯುವುದು ದಿನಕೆ ಸಾವಿಲ್ಲವೇ ಹುಟ್ಟುವ ಭರವಸೆ ಖಂಡಿತಾ ಹುಟ್ಟೇ ಒಂದು ಮದ ಸಾವರಿತರೆ ಮದ ಸಾವುದು ನಿತ್ಯ ಸತ್ಯದ ಗೊಡವೆ ಬೇಕೇ...
Comments 1
ರಕ್ಷಿತಾ ಮಲ್ಲಪ್ಪಾ
Dec 17, 2025ಬುದ್ದಿಗೆ ಹಿಡಿದ ಗ್ರಹಣವನ್ನು ಸೊಗಸಾಗಿ ಹೇಳಿದ್ದೀರಿ. ಯಾವತ್ತೂ ಬಿಡದೆ ಅಂಟಿದ ಈ ಗ್ರಹಣಕ್ಕೆ ಮೂಢನಂಬಿಕೆಗಳೂ ಅಂಟಿಕೊಂಡಿದ್ದು, ವಿಜ್ಞಾನ ಏನೂ ಮಾಡಲಾಗದೇ ಕೈಚೆಲ್ಲಿ ಕುಳಿತಿದೆ😒