ಭಾರ
ಕಳೆದು ಹೋದ ದಿನಗಳ ಭಾರ
ಉಳಿಸಿಕೊಂಡ ನೆನಪಿನ ಭಾರ
ಕಾಣದಿರುವ ಕ್ಷಣಗಳ ಭಾರ
ಕಲ್ಪನೆಗಳ ಹೆಣಿಕೆಯ ಭಾರ…
ಹೊರಲಾರೆ ತಂದೆ ಈ ತಲೆಭಾರ
ಹೊತ್ತು ನಡೆಯಲಾರೆ ಮುಂದೆ…
ಹಳಸಿಹೋದ ವಿಷಯದ ಭಾರ
ಅವರಿವರ ಮಾತಿನ ಭಾರ
ಓದಿಕೊಂಡ ತಿಳಿವಿನ ಭಾರ
ನಡೆದುಬಂದ ದಾರಿಯ ಭಾರ
ಹೊರಲಾರೆ ತಂದೆ ಈ ತಲೆಭಾರ
ಹೊತ್ತು ನಡೆಯಲಾರೆ ಮುಂದೆ…
ಮರೆತೆನೆಂದ ದಿನಗಳ ಭಾರ
ಹಂಡ ಹಳಹಳಿಕೆಯ ಭಾರ
ಮನವ ಹೊತ್ತ ದೇಹದ ಭಾರ
ಹೊರೆಯಾಯ್ತು ಬದುಕಿನ ಭಾರ
ಹೊರಲಾರೆ ತಂದೆ ಈ ತಲೆಭಾರ
ಹೊತ್ತು ನಡೆಯಲಾರೆ ಮುಂದೆ…
Related Posts
ಚಿತ್ತ ಸತ್ಯ…
ಚಿತ್ತದೊಳಿವೆ ಎರಡು ಕವಲು ಒಂದು ರಂಗುರಂಗಿನ ದಾರಿ ಅದು ಮಹಾ ಹೆದ್ದಾರಿ ಪ್ರಪಂಚದರಿವು ಬಂದಾಗಿನಿಂದ ಅತ್ತಲೇ ನಡೆದು ರೂಢಿ ಅನಾದಿ ಕಾಲದ ದಾಸ್ತಾನುಗಳೆಲ್ಲ ಅಲ್ಲಿ...
ಎರಡು ಎಲ್ಲಿ?
ನಾನು ದ್ವೈತವೋ ಅದ್ವೈತವೋ ಹೀಗೊಂದು ಪ್ರಶ್ನೆ ಎದ್ದದ್ದೇ ತಡ ನಡೆದಿತ್ತು ಒಳಗೊಂದು ತಾಕಲಾಟ- ಒಂದೆಡೆ- ನೆನಪುಗಳಿಗೆ, ಕನಸುಗಳಿಗೆ ಪ್ರೀತಿಯ ಕನವರಿಕೆಗಳಿಗೆ ಎದೆಯ ಹಂಬಲಗಳಿಗೆಲ್ಲ...
Comments 2
Devaraj B.S
Oct 10, 2020ಅಕ್ಕಾ, ನಾವು ಈ ಭಾರಗಳನ್ನೆಲ್ಲಾ ಹೊತ್ತುಕೊಂಡಿದ್ದೇವೆ… ಇಳಿಸೋದು ಹೇಗೆ? ನೀವೇ ಉತ್ತರಿಸಬೇಕು
JAGADISH M HOSMATH
Jan 10, 2021Aravey Guru!!