ಭಾರ
ಕಳೆದು ಹೋದ ದಿನಗಳ ಭಾರ
ಉಳಿಸಿಕೊಂಡ ನೆನಪಿನ ಭಾರ
ಕಾಣದಿರುವ ಕ್ಷಣಗಳ ಭಾರ
ಕಲ್ಪನೆಗಳ ಹೆಣಿಕೆಯ ಭಾರ…
ಹೊರಲಾರೆ ತಂದೆ ಈ ತಲೆಭಾರ
ಹೊತ್ತು ನಡೆಯಲಾರೆ ಮುಂದೆ…
ಹಳಸಿಹೋದ ವಿಷಯದ ಭಾರ
ಅವರಿವರ ಮಾತಿನ ಭಾರ
ಓದಿಕೊಂಡ ತಿಳಿವಿನ ಭಾರ
ನಡೆದುಬಂದ ದಾರಿಯ ಭಾರ
ಹೊರಲಾರೆ ತಂದೆ ಈ ತಲೆಭಾರ
ಹೊತ್ತು ನಡೆಯಲಾರೆ ಮುಂದೆ…
ಮರೆತೆನೆಂದ ದಿನಗಳ ಭಾರ
ಹಂಡ ಹಳಹಳಿಕೆಯ ಭಾರ
ಮನವ ಹೊತ್ತ ದೇಹದ ಭಾರ
ಹೊರೆಯಾಯ್ತು ಬದುಕಿನ ಭಾರ
ಹೊರಲಾರೆ ತಂದೆ ಈ ತಲೆಭಾರ
ಹೊತ್ತು ನಡೆಯಲಾರೆ ಮುಂದೆ…
Related Posts
ಕ್ವಾಂಟಮ್ ಮೋಡಿ
ನನ್ನ ಸುತ್ತುತ್ತಿದೆ ಈ ಬೆಳಕಿಲ್ಲದ ನೆರಳು ಎಣಿಸಲಾರೆ ಈ ಬಯಲ ಹೆಜ್ಜೆ ನನ್ನೀ ನೆಲಕೆ ಬಂದ ನನ್ನೀ ಪ್ರಜ್ಞೆ ನನ್ನೀ ನೆರಳಾಟವ ಮೆಚ್ಚಿದೆ ಬುದ್ಧನ ಹೆಜ್ಜೆ ಅಲ್ಲಮನ ಹೆಜ್ಜೆ ಈಗ...
ಬರಿದಾಗುವ ಬೆರಗು
ನಿಂತಲ್ಲೇ ಬಯಲು ಕೊನೆಗೊಳ್ಳದು ಗೆಳೆಯ ನಡೆಯಬೇಕು ನೀನೇ ಖುದ್ದು ಭವದ ಬೇಲಿಗಳ ದಾಟುತ್ತ ಸಾವಿರ ಹೆಜ್ಜೆಗಳ ಮಿಡಿದು ಈ ಸಮಯ ಜಗ ಹುಚ್ಚನೆಂದರೂ ಸರಿಯೇ ಹತ್ತು ಮುಳ್ಳುಗಳ ಮಧ್ಯೆ...
Comments 2
Devaraj B.S
Oct 10, 2020ಅಕ್ಕಾ, ನಾವು ಈ ಭಾರಗಳನ್ನೆಲ್ಲಾ ಹೊತ್ತುಕೊಂಡಿದ್ದೇವೆ… ಇಳಿಸೋದು ಹೇಗೆ? ನೀವೇ ಉತ್ತರಿಸಬೇಕು
JAGADISH M HOSMATH
Jan 10, 2021Aravey Guru!!