ಭಾರ
ಕಳೆದು ಹೋದ ದಿನಗಳ ಭಾರ
ಉಳಿಸಿಕೊಂಡ ನೆನಪಿನ ಭಾರ
ಕಾಣದಿರುವ ಕ್ಷಣಗಳ ಭಾರ
ಕಲ್ಪನೆಗಳ ಹೆಣಿಕೆಯ ಭಾರ…
ಹೊರಲಾರೆ ತಂದೆ ಈ ತಲೆಭಾರ
ಹೊತ್ತು ನಡೆಯಲಾರೆ ಮುಂದೆ…
ಹಳಸಿಹೋದ ವಿಷಯದ ಭಾರ
ಅವರಿವರ ಮಾತಿನ ಭಾರ
ಓದಿಕೊಂಡ ತಿಳಿವಿನ ಭಾರ
ನಡೆದುಬಂದ ದಾರಿಯ ಭಾರ
ಹೊರಲಾರೆ ತಂದೆ ಈ ತಲೆಭಾರ
ಹೊತ್ತು ನಡೆಯಲಾರೆ ಮುಂದೆ…
ಮರೆತೆನೆಂದ ದಿನಗಳ ಭಾರ
ಹಂಡ ಹಳಹಳಿಕೆಯ ಭಾರ
ಮನವ ಹೊತ್ತ ದೇಹದ ಭಾರ
ಹೊರೆಯಾಯ್ತು ಬದುಕಿನ ಭಾರ
ಹೊರಲಾರೆ ತಂದೆ ಈ ತಲೆಭಾರ
ಹೊತ್ತು ನಡೆಯಲಾರೆ ಮುಂದೆ…
Related Posts
ಮಣ್ಣಿನ ಹೃದಯದಲಿ
ಅಳಿದ ಮೇಲೆ ಉಳಿಯುವುದೇನು? ಕೇವಲ ಕುರುಹು ಅಷ್ಟೇ! ಗಾಳಿ ಬೀಸಿದಾಗ ಎಲೆ ಉದುರಿದ ಹಾಗೇ ಕಾಲ ಉರುಳುವ ಬಗೆ ಇರುಳ ಕಣ್ಣಿನಾಗಸದಿ ಕನಸು ನಾವೆಯಾಗಿ ತೇಲುವುದು ಚುಚ್ಚುವ ಮುಳ್ಳುಗಳ...
ನೆಟ್ಟ ನಂಜು ಹಾಲೀಂಟದು
ಯಾರ ಮನೆ ಯಾರ ತೆನೆ ಯಾರ ಅನ್ನ ಯಾರ ಚಿನ್ನ ಸಾವಲಿ ಜೊತೆ ಬರಲಿಹುದೆ ಕಟ್ಟಿ ಒಯ್ಯಲಾಗುವುದೆ ಆ ಬಂಧು ಈ ಬಳಗ ಆ ಹಣವು ಈ ಎಣೆಯು ಕಟ್ಟು ಕಟ್ಟಿ ಇಟ್ಟ ಗಂಟು ಯಾರಿಗೊ ಹೋಗಲಿಕುಂಟು...
Comments 2
Devaraj B.S
Oct 10, 2020ಅಕ್ಕಾ, ನಾವು ಈ ಭಾರಗಳನ್ನೆಲ್ಲಾ ಹೊತ್ತುಕೊಂಡಿದ್ದೇವೆ… ಇಳಿಸೋದು ಹೇಗೆ? ನೀವೇ ಉತ್ತರಿಸಬೇಕು
JAGADISH M HOSMATH
Jan 10, 2021Aravey Guru!!