ನಾನು ಬಿಂಬ
ರೂಪಿನ ಸಂಚವ ಕೆಡಿಸಿ ನಿರೂಪು ಸಯವಾಗಿತ್ತು.
-ಅಲ್ಲಮ
ಈ
ಕನ್ನಡಿಯಲಿ
ಕಾಣುವ ನನ ಬಿಂಬವ
ಓಡಿಸುವುದು ಹೇಗೆ…??!!
ಕಣ್ಣ ಮುಚ್ಚಿದರೆ ಕನ್ನಡಿ ದೂರ
ಕಣ್ಣ ತೆರೆದರೆ ನಾನು ಅದೂರ
ನಾನು ಬಿಂಬ ಬಿಂಬ ನಾನು
ಎರಡರಲಿ ಒಂದ ಕೊಲಲಾಗದು
ನಾನು
ಇದ್ದಂತೆ ನನ್ನ ಬಿಂಬ
ಹಿಗ್ಗದು ಕುಗ್ಗದು
ಹಿಗ್ಗಿರುವೆ ಹಾಗೇ…
ಕಂಡುದ ಹೇಳದು ಹಾಗೆ..
ನಾನು ಮಾಸಿಯೂ ಮಾಸದು ಬಿಂಬ
ನಾನು ಮಾದರೂ ಮಾದುದೇ..ಬಿಂಬ
ಏಸು ಬಿಂಬಗಳೋ….
ಎನ್ನೊಳಗಿಲ್ಲ ಒಂದೂ ಒಂದು
ಬಂದವು ಹೋದವು ಸರಳ
ನನ್ನಲ್ಲಿಯೇ ಇಲ್ಲದುದು ಇನ್ನೆಲ್ಲಿ..
ನಿನ್ನೊಳಗೆ ನಾನೋ ..
ನನ್ನೊಳಗೆ ನೀನೋ…
ಈ ತರ್ಕವೆಲ್ಲಾ ಪಕ್ಕಕ್ಕೆ ಇಡು
ಬಿಂಬಕೆ ಮತಿ ಇಲ್ಲ ಗತಿ ಇಲ್ಲ
ಎಂದೆಂದಿಗೂ ಅಹಂಗೆ
ಆಡಿ ಪೊಳ್ಳಾದೆ ನಾನು
ಆಡದೆ ದಿವ್ಯ ಅದು
ನಡೆಯಲು ಇರುವ ದಾರಿ
ಒಂದೇ ಪುರಾತನರ ನಡೆ
ಕನ್ನಡಿಯ ಕುರುಡಾಗಿಸಲಾರೆ
ಎಹಂಗೆ ಇದ್ದಿತ್ತು ಅಹಂಗೆ ಇದ್ದಿತ್ತಾಗಿ ಇದೇನೆಂದರಿಯೆ.
-ಅಲ್ಲಮ
Related Posts
ಕೊನೆಯಿರದ ಚಕ್ರದ ಉರುಳು
ಬೆಳಗು ಕತ್ತಲಿನೊಳಗೊ ಕತ್ತಲು ಬೆಳಗಿನೊಳಗೊ ನರ್ತಿಸುತ್ತಿರೆ ಜೀವ, ಭಾವ, ದೇಹ, ಆತ್ಮ ಎಲ್ಲಾ ಬಯಲಾಗಿ ಬಯಲೊಳಗೊ… ಸತ್ಯ ಸುಳ್ಳಿನೊಳಗೊ ಸುಳ್ಳು ಸತ್ಯದೊಳಗೊ ಹತ್ತಿ...
ನಾನು ಯಾರು?
ಕನ್ನಡಿ ಪ್ರತಿಬಿಂಬದಲ್ಲಿ ಕಂಡ ಕರಿಮೈಯ ಕವಚ ನೋಡಿ ಊಹಿಸಿಕೊಂಡದ್ದು ಸತ್ತು ಶವವಾಗಿ ಮಣ್ಣಲ್ಲಿ ಮಣ್ಣಾಗಿ ಹೋದವರನು ಕಂಡು ಊಹೆ ಕಳಚಿ, ಮೈಯ ಭ್ರಮೆಯಿಂದ ಹೊರಬಿದ್ದವನು ಕೇಳಿದ ನಾನು...
Comments 6
ಮರಿಗೌಡ ಮಾಗಡಿ
Sep 17, 2025ವಿಶೇಷ ವಿನ್ಯಾಸದ ಕವನ. ವಿವಿಧ ಶೈಲಿಯಲ್ಲಿ ನಡೆಸುತ್ತಿರುವ ನಿಮ್ಮ ಕಾವ್ಯ ಪ್ರಯೋಗ ನಿಜಕ್ಕೂ ಕುತೂಹಲ ಹುಟ್ಟಿಸುವಂತಿರುತ್ತವೆ ಸರ್.
ಜಿ.ಎಚ್.ಜ್ಯೋತಿಲಿಂಗಪ್ಪ ಶಿವನಕೆರೆ
Sep 18, 2025ನಿಮ್ಮ ಓದಿಗೆ ಮನ ತುಂಬಿತು
ನರೇಂದ್ರ ಚಿತ್ರದುರ್ಗ
Sep 23, 2025ಅರಿವಿಗೆ ಬಾರದ ಅನುಭಾವವನ್ನು ನಿಮ್ಮಂತಹ ಕವಿಗಳ ಕವನಗಳಲ್ಲಿ ಹುಡುಕುವುದು ಎಂತಹ ವಿಪರ್ಯಾಸ ಎನ್ನುವಿರಾ? ವಚನಗಳಲ್ಲಿ ಅಡಗಿರುವ ಅಮೂಲ್ಯ ಅನುಭಾವವನ್ನು ಹೊರತೆಗೆದು ತೋರುವ ಪ್ರಯತ್ನ ಮತ್ತೆ ಅಲ್ಲೇ ಅಡಗಿಬಿಡುತ್ತದೆ.
ಜಿ.ಎಚ್.ಜ್ಯೋತಿಲಿಂಗಪ್ಪ ಶಿವನಕೆರೆ
Sep 25, 2025ಓದಿಗೆ ಸಂತಸ
ದಾಟಲುಂಟೇ ಬಯಲ…??!!
ಗಿರೀಶ್ ಜಾಗಿರದಾರ್
Oct 2, 2025ಬಿಂಬ ತರ್ಕಗಳಾಚಿನದು. ‘ಬಿಂಬಕೆ ಮತಿ ಇಲ್ಲ ಗತಿ ಇಲ್ಲ’. ಇರುವುದೆಲ್ಲಾ ನನಗೆ, ಕೇವಲ ನನಗೆ!!!
ಜಿ.ಎಚ್.ಜ್ಯೋತಿಲಿಂಗಪ್ಪ ಶಿವನಕೆರೆ
Oct 9, 2025ಹೌದಲ್ವಾ ..ಓದಿಗೆ ಧನ್ಯವಾದಗಳು