Bayalu
  • Home
  • About Us
  • Contact Us
Close
Bayalu
Close
  • Home
  • About Us
  • Contact Us
ದಾರಿ ಬಿಡಿ…
Share:
Poems December 6, 2020 ಕೆ.ಆರ್ ಮಂಗಳಾ

ದಾರಿ ಬಿಡಿ…

ದಾರಿ ಬಿಡಿ ದಾರಿ ಬಿಡಿ
ಕಲ್ಯಾಣಪುರಕೆ ಹೊರಟಿದ್ದೇನೆ ದಾರಿಬಿಡಿ

ನೆನಪುಗಳೇ ಜಗ್ಗದಿರಿ ಹಿಂದಕ್ಕೆ
ಅಡ್ಡಕೆ ಕಾಲ್ಕೊಟ್ಟು ಕೆಳಗೆ ಕೆಡವದಿರಿ
ಕಳೆದ ಕಾಲಗಳಿಗೆಳೆದು
ಸಮಯ ಹಾಳುಮಾಡದಿರಿ
ಕನಸುಗಳೇ, ಬಣ್ಣಬಣ್ಣದ ಚಿತ್ರಗಳ ಬಿಡಿಸಿ
ಮಾಯಾಲೋಕಕೆ ಹೊತ್ತೊಯ್ಯದಿರಿ
ಏಳದಂತೆ ಮತ್ತೆ ನಿದ್ದೆಗೆ ದೂಡದಿರಿ
ಹಿಡಿದ ಹಾದಿಯ ಮರೆಸದಿರಿ

ದಾರಿ ಬಿಡಿ ದಾರಿ ಬಿಡಿ
ಕಲ್ಯಾಣಪುರಕೆ ಹೊರಟಿದ್ದೇನೆ ದಾರಿಬಿಡಿ

ಅಡಿಗಡಿಗೆ ಎಡತಾಕುವ ಕಿರಿಕಿರಿಗಳೇ
ಈ ದಾರಿಯಲಿ ಚೂಪುಗಲ್ಲಾಗದಿರಿ
ಅತ್ತಿಲಿತ್ತ ಜಗ್ಗಿ ಹೈರಾಣ ಮಾಡುತ್ತಾ
ನಡೆಯ ವೇಗ ತಗ್ಗಿಸದಿರಿ
ಅಳುಕಿನ ಮಾತುಗಳೇ,
ತಲೆಯಲೆಲ್ಲೋ ಕುಳಿತು
ನಿನ್ನಿಂದಾಗದು ಈ ಪಯಣವೆಂದು
ಧೈರ್ಯಗುಂದಿಸುತಾ
ಎದೆಯ ಕುಡಿಗೆ ನೀರೆರಚದಿರಿ
ಹೆಜ್ಜೆಗಳ ಹುರುಪ ಕಸಿಯದಿರಿ

ಮನದ ಸಂದಣಿಯಲ್ಲಿ ಜಾಗ ಮಾಡಿಕೊಳ್ಳುತ್ತಾ
ನಡೆಯಲೇ ಬೇಕಿದೆ ನನ್ನ ತವರಿಗೆ
ಕೈಮುಗಿದು ಕೇಳುವೆನು
ಮನಸಿನಾಟಗಳೇ ದಾರಿಬಿಡಿ
ಸಮಯವಿಲ್ಲ ಎನ್ನ ಬಳಿ ದಾರಿಬಿಡಿ
ಕಲ್ಯಾಣಪುರಕೆ ಹೊರಟಿದ್ದೇನೆ ದಾರಿಬಿಡಿ…

Previous post ಸುಮ್ಮನೆ ಇರು
ಸುಮ್ಮನೆ ಇರು
Next post ದಾಸೋಹ ತತ್ವ
ದಾಸೋಹ ತತ್ವ

Related Posts

ಗಡಿಯಲ್ಲಿ ನಿಂತು…
Share:
Poems

ಗಡಿಯಲ್ಲಿ ನಿಂತು…

May 6, 2021 ಜ್ಯೋತಿಲಿಂಗಪ್ಪ
ಈ ಬಯಲಲಿ ಕುಳಿತು ಹಿಂದಣ ಹೆಜ್ಜೆಗಳ ಎಣಿಸುತಿರುವೆ ಖಾಲಿ ಮುಖವಿಲ್ಲದ ನಾಳೆಗಳು ಮುಖವಾಡದ ನಿನ್ನೆಗಳು ಮುಖಾಮುಖಿ ಯ ಇಂದು ಈ ಅರಳಿದ ಅರಳೆ ರಾಟೆಯಲಿ ಸಿಲುಕಿ ನೂಲು ಹಾಸು ಹೊಕ್ಕು...
ಗೇಣು ದಾರಿ
Share:
Poems

ಗೇಣು ದಾರಿ

July 10, 2023 ಜ್ಯೋತಿಲಿಂಗಪ್ಪ
ಮುಂದಿನ ಕಾಲು ಹಿಂದಕೆ ಬಾರದೇ ಹಿಂದಿನ ಕಾಲು ಮುಂದಕೆ ಬಾರದೇ ಹಿಂದು ಮುಂದು ಸಂತೆ ದಾರಿ ತನ್ನರಿವೇ ತನ್ನ ಕುರುಹು ತನ್ನ ಕುರುಹೇ ತನ್ನರಿವು ಹಿಂದು ಮುಂದಾದು ಪೂಜಿಸಿದೆ ಭಕ್ತಿ...

Leave A Comment Cancel reply

Your email address will not be published. Required fields are marked *

Search For Your Post

Close

Categories

  • Articles
  • Poems
You May Also Like
ಕಾಯದೊಳಗಣ ಬಯಲು
ಕಾಯದೊಳಗಣ ಬಯಲು
November 7, 2020
ಅಪರೂಪದ ಸಂಶೋಧಕ: ಅಣಜಿಗಿ ಗೌಡಪ್ಪ ಸಾಧು
ಅಪರೂಪದ ಸಂಶೋಧಕ: ಅಣಜಿಗಿ ಗೌಡಪ್ಪ ಸಾಧು
January 8, 2023
ಅಳಿದು ಕೂಡುವುದು- ಅಳಿಯದೆ ಕೂಡುವುದು
ಅಳಿದು ಕೂಡುವುದು- ಅಳಿಯದೆ ಕೂಡುವುದು
March 9, 2023
ಕಾಯಕದಿಂದ ಪ್ರತ್ಯಕ್ಷ ಪ್ರಾಣಲಿಂಗದೆಡೆಗೆ…
ಕಾಯಕದಿಂದ ಪ್ರತ್ಯಕ್ಷ ಪ್ರಾಣಲಿಂಗದೆಡೆಗೆ…
June 14, 2024
ಕಾದಿ ಗೆಲಿಸಯ್ಯ ಎನ್ನನು
ಕಾದಿ ಗೆಲಿಸಯ್ಯ ಎನ್ನನು
April 29, 2018
ಯೋಗಿಯಾದರೆ ಸಿದ್ಧರಾಮನಂತಾಗಬೇಕು
ಯೋಗಿಯಾದರೆ ಸಿದ್ಧರಾಮನಂತಾಗಬೇಕು
April 29, 2018
ಕರ್ತಾರನ ಕಮ್ಮಟ
ಕರ್ತಾರನ ಕಮ್ಮಟ
July 5, 2019
ತನ್ನ ಪರಿ ಬೇರೆ…
ತನ್ನ ಪರಿ ಬೇರೆ…
February 5, 2020
ಗುರುವೆ ಸುಜ್ಞಾನವೇ…
ಗುರುವೆ ಸುಜ್ಞಾನವೇ…
September 7, 2021
ಸಕಾರವೋ… ನಕಾರವೋ…
ಸಕಾರವೋ… ನಕಾರವೋ…
July 5, 2019
Copyright © 2025 Bayalu