ಒಂದು ತೊಟ್ಟು ಬೆಳಕು
ಈ
ಕತ್ತಲು
ಒಂದು ತೊಟ್ಟು ಬೆಳಕು
ಕುಡಿಯಿತು ಅಮಲೇರಿದೆ
ಗಾಳಿ ಪಾಲು
ಮುಂದಣ ಗೆರೆ ಹಿಂದಕೂ ತಾಗಿದೆ
ಪರಿಧಿಯ ಬಿಂದು ತನ್ನ
ಇಚ್ಛೆಯನರಿಯದು ಸುತ್ತುವುದು
ಬಯಲು ಎಂಬುದೇನು
ಬಯಲು
ಏನೂ ಇಲ್ಲ ಎಲ್ಲವೂ ಇದೆ
ಕತ್ತಲೂ ಬೆಳಕು
ಈ
ಸಂಜೆಯ ನಸು
ಬೆಳಕು ಕತ್ತಲಿಗೆ ಸರಿಯುವುದ
ಕಾಣಬೇಕು ನಾನು
ದೀಪ ಹಚ್ಚದಿರು ಬೆಳಕಿನ ಹೊದಿಕೆ
ಮರೆಯಲಿ ‘ಅದು’ ಇರುವುದು
ದೀಪದ ಬೆಳಕಲಿ ಕತ್ತಲು ಸಾವು
Related Posts
ಎಲ್ಲಿದ್ದೇನೆ ನಾನು?
ನರನಾಡಿಗಳಲ್ಲೋ ರಕ್ತ ಮಾಂಸಗಳಲ್ಲೋ ಮಿದುಳಿನಲೋ ಹೃದಯದಲೋ, ಚರ್ಮದ ಹೊದಿಕೆಯಲೋ ಎಲ್ಲಿದ್ದೇನೆ ನಾನು? ಬಾಡುವ ದೇಹದಲೋ ಬದಲಾಗೋ ವಿಚಾರಗಳಲೋ ಬೆಂಬಿಡದ ಭಾವಗಳಲ್ಲೋ ಬೇರೂರಿದ...
ನನ್ನೊಳಗಿನ ನೀನು
ನಿನ್ನೆ ನಾಳೆಯ ನಡುವೆ ಜೀವಯಾನ ಮಾತು-ಮೌನದ ನಡುವೆ ಭಾವಯಾನ… ಅಲ್ಲಿಷ್ಟು ಇಲ್ಲಿಷ್ಟು ಆಗಸದ ಅಗಲಕ್ಕೂ ಹರಿದ ಹತ್ತಿಯ ತುಂಡು ಮನದ ಭಿತ್ತಿಯ ಮೇಲೆ ಅಸ್ಪಷ್ಟ ಹೆಜ್ಜೆ ಗುರುತು ಕಳವಳದ...
Comments 3
Jayadev Jawali
Feb 9, 2021ಒಂದು ತೊಟ್ಟು ಬೆಳಕು, ಒಂದು ತೊಟ್ಟು ಕತ್ತಲೆಗೆ ಸಮ ಎಂದು ಎಲ್ಲೋ ಓದಿದ ನೆನಪು. ಬೆಳಕು ಕತ್ತಲೆಯನ್ನು ನುಂಗಬಲ್ಲುದಾದರೆ, ಕತ್ತಲು ಬೆಳಕನ್ನೂ ನುಂಗಬಲ್ಲದು. ಕವನ ಹಲವಾರು ಭಾವಗಳನ್ನು ಮೀಂಟುತ್ತದೆ.
Shivananda G
Feb 10, 2021ಬೆಳಕಿನ ಹೊದಿಕೆಯ ಮರೆಯಲಿ ಇರುವ ‘ಅದು’ ಬಯಲೇ?!
Padmalaya
Feb 23, 2021ಅಲ್ಲಮನ ಬಯಲಾಟ…ಬಯಲು ಬಯಲನೆ ಬಿತ್ತಿ ಬಯಲನೆ ಬೆಳೆದ ಬೆಡಗು ಕತ್ತಲ ಬೆಳಕೆರಡನೂ ನುಂಗಬೇಕಿತ್ತಲ್ಲ…..? ಕತ್ತಲ ನುಂಗಿ ಬೆಳಕು ಜಾರಿ ಆಟದಲ್ಲೆ ಅಡಗಿತ್ತಲ್ಲಾ?