ಈ ದಾರಿ…

ಈ
ದಾರಿ
ಹೋಗುವುದು
ಎಲ್ಲಿಗೆ ನಾನೂ ಅರಿಯೆ
ನೀವೂ ಅರಿಯೆರಿ

ಅರಿದವನಂತೆ ನಾನು ಹೋಗುತಿರಲು
ಅರಿಯದವರಂತೆ ನೀವು ಸುಮ್ಮನೇ ಇರುವಿರಿ
ಏನು ಚೆಂದ
ಅಲ್ಲಲ್ಲಿಗೆ ಅಲ್ಲಲ್ಲಿಗೆ
ದಾರಿ ಸವೆಯದು ಸರಿಯದು
ಕಣ್ಣು ಸವೆದು ಸರಿದುದು

ಈಗಷ್ಟೇ
ಕೇಳಿಸಿಕೊಂಡ ಕಿವಿ
ನೋಡಲರಿಯದು ಕಂಡ ಕಣ್ಣು
ಹೇಳಲರಿಯದು

ಕಣ್ಣು ತಪ್ಪಿ ಕಂಡುದು
ಕಿವಿ ತಪ್ಪಿ ಕೇಳಿದು

ಎರಡೂ ನಿಜ
ಎರಡೂ ಸುಳ್ಳು

ಸುಮ್ಮನೆ ಬಂದ ದಾರಿ.,

ನನ್ನ
ನಿಮ್ಮ ನಡುವೆ
ಕಂಡೂ ಕಾಣದೆ
ಕಾಣದೆ ಕಂಡ ದಾರಿ
ಸುಮ್ಮನೆ ಇದೆ
ಹೋದವರು ಬರುವ ದಾರಿ
ಕಾಯುತಿರುವೆ

ಕಾಯುವುದೇನು ಸುಮ್ಮನೆಯೇ…

Poems

ಆಕಾರ-ನಿರಾಕಾರ

January 7, 2022 ಜ್ಯೋತಿಲಿಂಗಪ್ಪ

ಇರಯ್ಯಾ ಕಾಯುವವನೇ ಇರದಿರುವಾಗ ನಿನಗೇತರ ಅವಸರ ಕಾಯುತ್ತಾನೆಂದು ಕಾಯುವೆಯಲ್ಲಾ ಸಾವ ಕಾಯುವ ನ್ಯಾಯ ಅದಾವುದಯ್ಯಾ ಕೇಡಿಲ್ಲ ಅಳಿಯೆನೆಂದು ಹಲ್ಲ ಮಸೆಯದಿರು ಕಾಯ ಕಾಯದು ಆಕಾರಕೆ...

Poems

ಈ ಬಯಲಿಗೆ ಎಷ್ಟು ಮುಖವಯ್ಯಾ ಇರುವ ಮುಖದ ಇರವ ನಾನರಿಯೆ ಇರದ ಮುಖದ ಇರವನೂ ನಾನರಿಯೆ ನಾನರಿಯದೆ ಮುಖ ಇರುವುದೆಲ್ಲಿ ಇರದ ಬಯಲೊಳು ಇರವು ಇರದು ಅರಿವಿನೊಳು ಇರವು ಇರುವುದು ಅರಿ...