Bayalu
  • Home
  • About Us
  • Contact Us
Close
Bayalu
Close
  • Home
  • About Us
  • Contact Us
ಹಣತೆಯ ಹಂಗು
Share:
Poems October 19, 2025 ಕೆ.ಆರ್ ಮಂಗಳಾ

ಹಣತೆಯ ಹಂಗು

ನಾನೆಂಬ ಕತ್ತಲೆಗೆ
ನೀನೆಂಬ ಜ್ಯೋತಿ
ನಾನಿದ್ದಾಗ ನೀ
ಇರಲೇ ಬೇಕೆನುವ ತರ್ಕ
ನಾನು ಕರಗದೆ
ನೀನಾಗಲಾರೆ
ನೀನು ಸರಿಯದೇ
ಬೆಳಕ ಕಾಣಲಾರೆ…

ಕತ್ತಲೆಗಲ್ಲವೆ
ಬೆಳಕಿನ ಮೋಹ?

ಕೈಯ ಹಣತೆಯಲಿ
ಕುಣಿವ ದೀಪವ
ನೋಡುತಾ
ಗಾಳಿಗಾರದಂತೆ
ಜೋಪಾನವ ಮಾಡುತಾ
ನೆಲಮುಗಿಲ ಹಬ್ಬಿ
ಕಣ್ಣು ತುಂಬಿಕೊಳ್ಳಲಿ
ಈ ಮಹಾಬೆಳಗು

ಎದೆಯ ಹಣತೆಯಲಿ
ಬತ್ತಿಯ ತೀಡಿಹೆ
ತೈಲವನೆರೆದು
ಜ್ಯೋತಿಗೆ ಕಾದಿಹೆ
ದೀಪ ಹಚ್ಚುತಾ
ದೀಪವಾಗುವ ಕನಸು
ಇಂದು ನಿನ್ನೆಯದಲ್ಲಾ ಗುರುವೆ…

ಅಯ್ಯೋ ತರಳೆ
ಏನಿದು ಮರುಳೆ…
ಬೆಳಕಿನ ಹುಚ್ಚಿದು ತರವೇ?
ಬೆಳಗೂ ನೀನೇ
ಕತ್ತಲೂ ನೀನೇ
ಹುಡುಕುವೆ ಯಾಕೆ ಹೊರಗೆ?

ಸಾವು ಕತ್ತಲಲ್ಲಾ
ಬೆಳಕು ಬದುಕಲ್ಲಾ
ಕತ್ತಲು-ಬೆಳಕುಗಳೆರಡೂ
ವೈರಿಗಳಲ್ಲವೇ ಅಲ್ಲಾ
ಇರುಳ ಕಣ್ಣಿಗಿದೆ
ನಕ್ಷತ್ರದ ಮಿಂಚು
ಕಾಣಲಾರೆಯಾ ಮಗಳೇ?

ಬೆಳಕಿನ ಹುಚ್ಚಿಗೆ
ಕಿಚ್ಚನು ಹಚ್ಚು
ಒಳನೋಟದ ಕಣ್ಣಿಗೆ
ದೃಷ್ಟಿಯ ಹರಿಸು
ಹಣತೆಯೂ ನೀನೆ
ತೈಲವೂ ನೀನೇ
ಬತ್ತಿಯೂ ನೀನೇ ಅರಿಯೇ
ಬಯಲ ಬೆಳಕಿನ
ಕುಡಿಯೂ ನೀನೆ
ಹಣತೆಯ ಹಂಗು ಸರಿಯೇ?

Previous post ಸೋತ ಅಂಗೈಗಳಿಗಂಟಿ…
ಸೋತ ಅಂಗೈಗಳಿಗಂಟಿ…
Next post ಕಡಕೋಳ: ಮರೆತ ಹೆಜ್ಜೆಗಳ ಗುಲ್ದಾಸ್ಥ
ಕಡಕೋಳ: ಮರೆತ ಹೆಜ್ಜೆಗಳ ಗುಲ್ದಾಸ್ಥ

Related Posts

ಎಲ್ಲಿದ್ದೇನೆ ನಾನು?
Share:
Poems

ಎಲ್ಲಿದ್ದೇನೆ ನಾನು?

February 10, 2023 ಕೆ.ಆರ್ ಮಂಗಳಾ
ನರನಾಡಿಗಳಲ್ಲೋ ರಕ್ತ ಮಾಂಸಗಳಲ್ಲೋ ಮಿದುಳಿನಲೋ ಹೃದಯದಲೋ, ಚರ್ಮದ ಹೊದಿಕೆಯಲೋ ಎಲ್ಲಿದ್ದೇನೆ ನಾನು? ಬಾಡುವ ದೇಹದಲೋ ಬದಲಾಗೋ ವಿಚಾರಗಳಲೋ ಬೆಂಬಿಡದ ಭಾವಗಳಲ್ಲೋ ಬೇರೂರಿದ...
ಲಿಂಗದ ಹಂಗೇ…
Share:
Poems

ಲಿಂಗದ ಹಂಗೇ…

September 10, 2022 ಜ್ಯೋತಿಲಿಂಗಪ್ಪ
ಹೊದಿಯೋಕೊಂದು ಆಕಾಶ ಮಲಗೋಕೊಂದು ನೆಲ ಕುಡಿಯೋಕೊಂದು ಸಿಂಧು ಉಣ್ಣೋಕೆ ಒಂದಿಷ್ಟು ಭಿಕ್ಷೆ ಹಾಡೋಕೊಂದು ತಂಬೂರಿ ಕೇಳೋಕೊಂದು ಕಿವಿ ಇನ್ನೇನು ಆಂ ಮರೆತೇ ಮೆರೆಯಲು ಒಂದು ಮರೆವು...

Comments 2

  1. Padmalaya
    Oct 23, 2025 Reply

    Waaaw… ಸೂಪರ್ ಮೆಲ್ಲಗೆ ಕಣ್ತೆರೆಯುವ ಹಂಬಲ…

  2. Panchakshari
    Nov 7, 2025 Reply

    ಸುಂದರ, ಒಳನೋಟದ ಭಾವ!

Leave A Comment Cancel reply

Your email address will not be published. Required fields are marked *

Search For Your Post

Close

Categories

  • Articles
  • Poems
You May Also Like
ನಿಮ್ಮಿಂದಲೇ ನಾನು
ನಿಮ್ಮಿಂದಲೇ ನಾನು
February 11, 2022
ವಚನ–ಶ್ರಮಣಧಾರೆಗಳ ಸಂಧಿಭೂಮಿ
ವಚನ–ಶ್ರಮಣಧಾರೆಗಳ ಸಂಧಿಭೂಮಿ
April 5, 2026
ತೊತ್ತುಗೆಲಸವ ಮಾಡು
ತೊತ್ತುಗೆಲಸವ ಮಾಡು
June 5, 2021
ಐನಸ್ಟೈನ್ ಮತ್ತು ದೇವರು
ಐನಸ್ಟೈನ್ ಮತ್ತು ದೇವರು
October 5, 2021
ಅವಿರಳ ಅನುಭಾವಿ-2
ಅವಿರಳ ಅನುಭಾವಿ-2
April 6, 2020
ಆಫ್ರಿಕಾದ ಸೂರ್ಯ
ಆಫ್ರಿಕಾದ ಸೂರ್ಯ
December 13, 2024
ಕಾಲ ಮತ್ತು ದೇಶ
ಕಾಲ ಮತ್ತು ದೇಶ
September 13, 2025
ಇದ್ದಷ್ಟೇ…
ಇದ್ದಷ್ಟೇ…
January 10, 2021
ಹಾಯ್ಕು
ಹಾಯ್ಕು
September 6, 2023
ಗುಟುಕು ಆಸೆ…
ಗುಟುಕು ಆಸೆ…
May 8, 2024
Copyright © 2026 Bayalu