Bayalu
  • Home
  • About Us
  • Contact Us
Close
Bayalu
Close
  • Home
  • About Us
  • Contact Us
ದಾರಿ ಬಿಡಿ…
Share:
Poems December 6, 2020 ಕೆ.ಆರ್ ಮಂಗಳಾ

ದಾರಿ ಬಿಡಿ…

ದಾರಿ ಬಿಡಿ ದಾರಿ ಬಿಡಿ
ಕಲ್ಯಾಣಪುರಕೆ ಹೊರಟಿದ್ದೇನೆ ದಾರಿಬಿಡಿ

ನೆನಪುಗಳೇ ಜಗ್ಗದಿರಿ ಹಿಂದಕ್ಕೆ
ಅಡ್ಡಕೆ ಕಾಲ್ಕೊಟ್ಟು ಕೆಳಗೆ ಕೆಡವದಿರಿ
ಕಳೆದ ಕಾಲಗಳಿಗೆಳೆದು
ಸಮಯ ಹಾಳುಮಾಡದಿರಿ
ಕನಸುಗಳೇ, ಬಣ್ಣಬಣ್ಣದ ಚಿತ್ರಗಳ ಬಿಡಿಸಿ
ಮಾಯಾಲೋಕಕೆ ಹೊತ್ತೊಯ್ಯದಿರಿ
ಏಳದಂತೆ ಮತ್ತೆ ನಿದ್ದೆಗೆ ದೂಡದಿರಿ
ಹಿಡಿದ ಹಾದಿಯ ಮರೆಸದಿರಿ

ದಾರಿ ಬಿಡಿ ದಾರಿ ಬಿಡಿ
ಕಲ್ಯಾಣಪುರಕೆ ಹೊರಟಿದ್ದೇನೆ ದಾರಿಬಿಡಿ

ಅಡಿಗಡಿಗೆ ಎಡತಾಕುವ ಕಿರಿಕಿರಿಗಳೇ
ಈ ದಾರಿಯಲಿ ಚೂಪುಗಲ್ಲಾಗದಿರಿ
ಅತ್ತಿಲಿತ್ತ ಜಗ್ಗಿ ಹೈರಾಣ ಮಾಡುತ್ತಾ
ನಡೆಯ ವೇಗ ತಗ್ಗಿಸದಿರಿ
ಅಳುಕಿನ ಮಾತುಗಳೇ,
ತಲೆಯಲೆಲ್ಲೋ ಕುಳಿತು
ನಿನ್ನಿಂದಾಗದು ಈ ಪಯಣವೆಂದು
ಧೈರ್ಯಗುಂದಿಸುತಾ
ಎದೆಯ ಕುಡಿಗೆ ನೀರೆರಚದಿರಿ
ಹೆಜ್ಜೆಗಳ ಹುರುಪ ಕಸಿಯದಿರಿ

ಮನದ ಸಂದಣಿಯಲ್ಲಿ ಜಾಗ ಮಾಡಿಕೊಳ್ಳುತ್ತಾ
ನಡೆಯಲೇ ಬೇಕಿದೆ ನನ್ನ ತವರಿಗೆ
ಕೈಮುಗಿದು ಕೇಳುವೆನು
ಮನಸಿನಾಟಗಳೇ ದಾರಿಬಿಡಿ
ಸಮಯವಿಲ್ಲ ಎನ್ನ ಬಳಿ ದಾರಿಬಿಡಿ
ಕಲ್ಯಾಣಪುರಕೆ ಹೊರಟಿದ್ದೇನೆ ದಾರಿಬಿಡಿ…

Previous post ಸುಮ್ಮನೆ ಇರು
ಸುಮ್ಮನೆ ಇರು
Next post ದಾಸೋಹ ತತ್ವ
ದಾಸೋಹ ತತ್ವ

Related Posts

ಹುಲಿ ಸವಾರಿ…
Share:
Poems

ಹುಲಿ ಸವಾರಿ…

June 10, 2023 ಜ್ಯೋತಿಲಿಂಗಪ್ಪ
ಖಾಲೀ… ಇರುವೆಯಲ್ಲಾ ಏನಾದರೂ ನೋಡು ಕಣ್ಣು ತುಂಬಿದೆ ನೋಡಲೇನುಂಟು ನೋಡದು ಏನಾದರೂ ಕೇಳು ಕಿವಿ ತುಂಬಿದೆ ಕೇಳಲೇನುಂಟು ಕೇಳದು ಈ ಇಂದ್ರಿಯಗಳೆಲ್ಲಾ ತುಂಬಿ ತುಂಬಿ...
ಸಂತೆಯ ಸಂತ
Share:
Poems

ಸಂತೆಯ ಸಂತ

September 7, 2020 ಜ್ಯೋತಿಲಿಂಗಪ್ಪ
ಕನ್ನಡಿಯೊಳಗಿನ ಕಣ್ಣ ನಿಲುವಿಗೆ ನನ್ನದೇನು ಕಾಣಿಕೆ ಕಣ್ಣಿಗೆ ಕರುಳು ಇರಬಾರದು ಒಂದೆಂಬುದು ಒಂದಲ್ಲ ಎರಡೆಂಬುದು ಎರಡಲ್ಲ ಸಂತೆಯೊಳಗೊಬ್ಬ ಸಂತನಿದ್ದಾನೆ ಕಂಡಿರಾ ಈ ಮೂರು ಮೊಳದ...

Leave A Comment Cancel reply

Your email address will not be published. Required fields are marked *

Search For Your Post

Close

Categories

  • Articles
  • Poems
You May Also Like
ಕರ್ತಾರನ ಕಮ್ಮಟ- ಭಾಗ 3
ಕರ್ತಾರನ ಕಮ್ಮಟ- ಭಾಗ 3
September 5, 2019
ಗುರುವೇ ತೆತ್ತಿಗನಾದ
ಗುರುವೇ ತೆತ್ತಿಗನಾದ
April 29, 2018
ಅನುಭವ ಮಂಟಪದ ವಿನ್ಯಾಸ…
ಅನುಭವ ಮಂಟಪದ ವಿನ್ಯಾಸ…
February 16, 2026
ಬಿಟ್ಟು ಹೋದ ಬಸವಣ್ಣ
ಬಿಟ್ಟು ಹೋದ ಬಸವಣ್ಣ
April 29, 2018
ಅಷ್ಟಾವರಣವೆಂಬ ಭಕ್ತಿ ಸಾಧನ
ಅಷ್ಟಾವರಣವೆಂಬ ಭಕ್ತಿ ಸಾಧನ
August 6, 2022
ಬೆಳಕಿನೆಡೆಗೆ…
ಬೆಳಕಿನೆಡೆಗೆ…
June 10, 2023
ಅನಿಶಾ…
ಅನಿಶಾ…
September 6, 2026
ಮತ್ರ್ಯಲೋಕದ ಮಹಾಮನೆ
ಮತ್ರ್ಯಲೋಕದ ಮಹಾಮನೆ
January 15, 2026
ಶರಣನಾಗುವುದು…
ಶರಣನಾಗುವುದು…
February 10, 2023
ಮಹಾಮನೆಯ ಕಟ್ಟಿದ ಬಸವಣ್ಣ
ಮಹಾಮನೆಯ ಕಟ್ಟಿದ ಬಸವಣ್ಣ
December 8, 2021
Copyright © 2026 Bayalu